542
Sunday, 17 March 2019 19:05 (3 tahun yang lalu)    Tulis Komentar

Catetan Sajarah Gedong Di Kuningan Nu Jadi Saksi Ikhtiar Ngadegkeun NKRI

Catetan Sajarah  Gedong Di Kuningan Nu Jadi Saksi Ikhtiar Ngadegkeun NKRI

Lain gan saukur di Karawang, Bekasi, atawa di Bandung wungkul nu jadi patempatan lumangsungna catetan sajarah bangsa Indonesia dina raraga ngadegkeun kamerdekaan di tatar pasundan, Kuningan ogé hamo boa tong nepi dipohokeun, sabab di tempat nu merenahna aya di tutugan gunung Ciremai ieu ogé mibanda hiji gedong, kalayan kawentar ku landihan ‘Gedung Perundingan Linggarjati’.

Nya didinya basa tanggal 10 nepi 13 November 1946 pamaréntah Republik Indonesia jeung Karajaan Belanda ngalakukeun bakami, dimana dina musyawarah éta intina mengrupakeun upaya ikhtiar bangsa Indonesia pikeun meunangkeun kadaulatan bangsa ku jalan jalur diplomasi.

Diantara poko eusi ‘Perjanjian Linggarjati’ nyaéta, Belanda ngaku sacara De Facto Republik Indonesia mibanda wilayah kakuasaan nyakup Sumatera, Jawa, jeung Madura, Republik Indonesia jeung Belanda baris paheuyeuk-heuyeuk leungeun pikeun ngabentuk nagara Indonesia Serikat anu salah sahiji nagara bagiana nyaéta Republik Indonesia, terus Republik Indonesia Serikat jeung Belanda baris ngawangun Uni Indonesia – Belanda kalayan dipupuhuan ku Ratu Belanda.

Hadir dina éta riungan Sutan Syahrir, minangka wawakil ti Indonesia, sedengkeun ti pihak Belanda diwakilan ku tim nu disebut Komisi Jendral, pingpinan Wim Schermerhorn kalayan anggota H.J. van Mook, tur Lord Killearn ti Inggris jadi mediator dina Perundingan Linggarjati kasebut.

Nepi ka kiwari tempat pinunjul nu ngadeg di Desa Linggarjati, Kacamatan Cilimus ieu wujud asli bangunanana masih dipertahankeun, sababaraha waragad asli jeung replika benda nu digunakeun mangsa perundingan masih bisa ditingali di jero gedong nu ayeuna mangrupakeun salah sahiji museum nu dipibanda bangsa Indonesia, sakaligus dipikareueus ku urang Kuningan. (Yud’s)

saksi kemerdekaan nyunda rebo nyunda bandung karawang gedung naskah perjanjian linggarjati ratu belanda

Komentar

Komentar telah di non-aktifkan untuk postingan ini

Berita Terkait